WhatsApp qanday ishlaydi?

YouTube’da WhatsApp dasturini ishlab chiquvchi Rik Rid tomonidan WhatsApp’ning dasturiy infratuzilmasi haqida texnik video bor. Asosiy mantiqda WhatsApp - bu chat dasturi bo'lib, unda shifrlangan ulanishlar bilan yozma, audio va video ko'rinishda shaxsdan shaxsga, shaxsdan bir nechta odamga yoki guruh suhbati ko'rinishida muloqot qilishingiz mumkin. WhatsApp qurilmaga birinchi marta o'rnatilganda, u shaxsning telefon raqami va WhatsApp akkaunti bilan mos keladi, shunda har bir raqam tizimda foydalanuvchi sifatida ro'yxatdan o'tadi. Telefon raqamlari butun dunyo bo'ylab yagona bo'lganligi sababli, ro'yxatdan o'tish bosqichida qo'shimcha parol bilan himoyalanish talab qilinmaydi.

Hisobni tekshirish jarayoni ushbu telefonga yuboriladigan SMS bilan amalga oshiriladi. Qurilmangiz WhatsApp serverlari bilan birinchi marta aloqa qilganda, siz olgan SMS tasdiqlash kodi bilan telefon raqamingizga xos token (xavfsizlik belgisi) yaratiladi. Dastur o'z infratuzilmasida moslashtirilgan XMPP protokolidan foydalanadi. Ushbu protokol o'tmishda ICQ, AIM, Yahoo Chat va Google Talk kabi dasturlar tomonidan ham ishlatilgan. Kontaktlarni avtomatik ravishda foydalanuvchining WhatsApp kontaktlar ro‘yxatiga qo‘shish uchun WhatsApp avtomatik ravishda qurilmaning manzillar kitobidan barcha telefon raqamlarini oladi va ularni WhatsApp foydalanuvchilarining markaziy ma’lumotlar bazasi bilan solishtiradi. Shunday qilib, saqlangan telefon raqamlari bo'lgan WhatsApp kontaktlari bilan bog'lanish mumkin.