Njihuni me veçoritë e reja të kamerës

Sot ne po prezantojmë mënyra të reja për të personalizuar dhe pasuruar fotot dhe videot që ndani me miqtë dhe familjen në mbarë botën. Me veçoritë e reja të kamerës së WhatsApp-it, tani mund të shkruani, vizatoni dhe shtoni emoticon në foto dhe video për t'u shprehur.

Sa herë që bëni një foto ose video të re, ose ndani një foto nga telefoni juaj, do të shihni automatikisht mjete të reja redaktimi. Ndonjëherë një fotografi e thjeshtë si një zemër e madhe e kuqe ose një emoticon i preferuar që vizatoni për t'i treguar dikujt se sa shumë ju mungon, vlen sa një mijë fjalë. Ju gjithashtu mund të shtoni tekst dhe të ndryshoni ngjyrën dhe fontin e tij.

Funksioni i kamerës WhatsApp tani mbështet opsionin e blicit në kamerën e përparme në mënyrë që të mund të bëni selfie të përsosura. Ndriçoni ekranin tuaj dhe përmirësoni cilësinë e fotografisë tuaj në dritë të ulët dhe gjatë natës. Ne kemi shtuar gjithashtu një veçori të dobishme zmadhimi për regjistrimin e videos. Thjesht rrëshqitni gishtin lart e poshtë për të zmadhuar dhe zvogëluar. Për të kaluar mes kamerës së përparme dhe asaj të pasme, gjithçka që duhet të bëni është të prekni dy herë ekranin.

Këto veçori të reja të kamerës do të shpërndahen gradualisht në telefonat Android duke filluar nga sot dhe së shpejti në iPhone. Shpresojmë që t'ju pëlqejnë këto veçori të reja kur ndani foton ose videon tuaj të radhës.